D2030 ekimenak herritar eta erakundeak gonbidatu ditu energia trantsizioaren inguruan Bergaran egingo den saio irekira

2023-09-12

• Irailaren 21ean, saio irekia antolatu du Debagoiena 2030 ekimenak, trantsizio energetikoaren inguruan jarduteko.
• Bergarako Irizar Jauregian egingo da, 09:30etik 12:30era bitartean.
• Herritar eta erakunde oro saioan parte hartzera gonbidatu ditu D2030 ekimenak.

Debagoiena 2030 Garapen Iraunkorrerako Sareak trantsizio energetikoaren bueltan lanean dihardu, eta pasa den urtean abiatutako Eraginez Piztu estrategiaren bigarren fasea martxan jartzera doaz. Orain arte aztertu, landu eta hausnartutako zenbait gako, eta aurrera begirako asmoak partekatzeko irailaren 21ean, saio irekia antolatu du ekimenak, Bergarako Irizar jauregian, 9:30etik 12:30era.

Honakoak dira jorratuko diren gaiak:

• Debagoiena 2030 eta Eraginez Piztu estrategia
• Debagoieneko diagnostiko energetikoaren emaitza eta analisia
• Eskualdeko erronka energetikoari erantzuteko aukerak

Izena emateko

Esan bezala, saioa irekia da eta formulario honetan eman daiteke izena, irailaren 18a baino lehen.

Oharra: Behar duenarentzat itzulpen zerbitzua egongo da.