Debagoieneko erronka nagusiak identifikatu eta herritarren iritzi eta pertzepzioak balioan jartzeko, entzute prozesu bat abiatu zen 2018 amaieran. 150 eragilek hartu zuten parte prozesu horretan eta 2019ko abenduan Entzutearen Laburpen Txostena osatu zen.
Gizartean sentsibilizazioa eragiteko helburuarekin, Debagoiena Eraldatzen saioa abiatu zuten Goienak eta D2030ek. Gizarte osoari eragiten dioten problematikak gertuko errealitatetik abiatuta aztertzeko hautua egin zen saioarekin eta erreportaje sorta horrek TOKIKOM saria jaso zuen.
Egitasmoak askotariko eragileen arteko elkarlana du oinarrian hasieratik. Horregatik, entzute prozesuan ordura arte jaso dena partekatu, osatu eta aberasteko helburuarekin foro bat antolatu zen 2019ko azaroan. 80 bat herritar batu ziren Eskualdeko Sarearen I. topaketan, Bergaran.
Zuzendaritza Teknikoa sortu zen ekimenak behar duen prozesua bideratzeko. Eskualdeko hainbat eragilek osatu zuten taldea: Gizabidea Fundazioa, Emun, Mondragon Unibertsitatea, Goiena Komunikazio Taldea, Saiolan, Fagor eta ALC.
Europako Batasuneko Climate-KIC erakundearekin akordioa adostu zen, klima aldaketari aurre egiteko eta eskualdearen sakoneko eraldaketa sustatzeko. Helburu horrekin, tokiko eragileekin eta nazioarteko eragileekin hainbat hausnarketa-saio egin ziren.
Erronken tipologia kontuan izanik, ekimena garatzen hasteko lankidetzazko gobernantza ereduaren aldeko apustua egin zen hasieratik. Batzordean Debagoieneko eragile esanguratsuenak daude ordezkatuak: Instituzio publikoak, kooperatibak, Unibertsitatea, gizarte eragileak etab.
2018an zehar Debagoieneko hainbat eragileren artean burututako hausnarketa eta elkarrizketa prozesuaren ondorio moduan sortu zen ekimena. Erronka berriei modu berritzailean eta elkarlanean erantzuteko helburuarekin. 2019 urte hasieran ekin zion bere bideari.
