Debagoieneko etxebizitzen eta eraikinen energia-ereduaren gaineko azterketa abiatu zuen Debagoiena 2030 ekimenak, eskualdeko hainbat eragilerekin elkarlanean, eta Debagoieneko trantsizio energetikoan eragiteko ildo desberdinak identifikatu zituen bide hartan.
Pandemia egoerak hala bultzatuta, herritarrei ekimenaren nondik norakoak azaltzeko online saioa egin zen. Bertan parte hartu zuten ekimeneko zuzendaritza teknikoa osatzen duten hainbat lagunek. Helburuak, egindako bidea eta hurrengo urratsak azaldu zituzten bertan. Zuzeneko saioa osorik hemen.
XXI. mendeko erronka globalei erantzun propioa emango dien eraldaketa mugimendua sustatzeko sortutako egitasmoa bultzatzeko asmoa erakutsi zuten D2030 egitasmoko Gobernu Batzordea osatzen duten hamahiru erakundeek. Sinadura ekitaldia eta agerraldi publikoa.
D2030 ekimenak 2020ko uztailean onartu zuen portfolioa martxan jartzea, eskualdeko eraldaketa bultzatze bidean sortutako proiektu sorta. 14 dira guztira irailean aktibatu ziren proiektu edo prototipoak. Horiek guztiek osatzen dute portfolioa deritzona; eraldaketan eragiteko begirada berri bat, proiektuak elkar ekintzan jartzea bilatzen duena.
Koronabirusak gizartean izandako eragin sakona kontuan izanik, 2019an zehar egindako entzutea osatzeko asmoz, COVID 19-ari buruzko galdeketa egin zen Debagoienean.
2019ko urtarrilean abiatutako aspirazio eta anbizioak zehazteko hausnarketa-prozesuari itxiera emanez, D2030 ekimenaren bisioa eta misioa onartu zituen Gobernu Batzordeak. Prozesu horretako hainbat hausnarketa saiotan zehar Climate KIC eta IIPPren laguntza jaso zuen ekimenak. Bisioa eta Misioa
2019ko entzute txostenaren emaitzetan oinarrituta eragin eremuen identifikazioa egin zen. Hauek dira zehaztutako eremuak: Lanaren etorkizuna, Energia, Mugikortasuna, Elikadura sistemak, Hezkuntza, Ekonomia Zirkularra, Inklusioa eta Komunitatea.
